អីយ៉ូង ព្រឺសម្បុរ! មើលវីដេអូនេះហើយ ពិតណាស់ព្រឺសម្បុរជាមិនខាន កំពុងសម្ភាសសុខៗ ស្រាប់តែឮសំឡេង Tangmo ហៅ Hippo កណ្តាលកម្មវិធី ផ្អើលអស់គេឯង..តាំងពីតារាសម្តែងស្រី Tangmo បានបាត់បង់ជីវិតមក មិត្តភក្តិរបស់នាងម្នាក់ៗហាក់នៅតែនឹកស្រណោះសោកស្តាយនាងមិនតិចនោះទេ ពួកគេម្នាក់ៗនៅតែបន្តរំឭក ក៏ដូចជាឱ្យបទសម្ភាសពីនាងជារឿយៗនៅតាមកម្មវិធីផ្សេងៗ ហើយក្នុងនោះមិត្តរបស់នាងខ្លះថែមទាំងអះអាងថា វិញ្ញាណរបស់ Tangmo បានទៅរកពួកគេថែមទៀតផង។
ជាក់ស្តែងកាលពីថ្ងៃទី ១៥ ខែមីនា ឆ្នាំ ២០២២ កន្លងទៅនេះ ក្រុមមិតភក្តិជិតស្និទ្ធរបស់ Tangmo ដែលមានដូចជា Anna, Hippo និង Poodle ត្រូវបានខាងកម្មវិធីសម្ភាសកម្សាន្តមួយ អញ្ជើញមកជជែកម្តងទៀត ទាក់ទងនឹងរឿងរ៉ាវមុនស្លាប់ និង អនុស្សាវរីយ៍របស់ពួកគេជាមួយ Tangmo ជាដើម ប៉ុន្តែខណៈកំពុងជជែកសុខៗក៏ស្រាប់តែមានហេតុការណ៍មួយបានធ្វើឱ្យអ្នកនៅក្នុងកម្មវិធីទាំងអស់ ព្រឺសម្បុរភ្ញាក់ផ្អើលតែម្តង។ក្នុងនោះ នៅពេលដែល Hippo បានរំឭកដល់ Tangmo ថានាងតែងតែចូល
ចិត្តមកញោះលេងដោយការហៅឈ្មោះ ស្រាប់តែភ្លាមៗក៏មានឮសំឡេងមនុស្សហៅ Hippo កណ្តាលកម្មវិធីនោះតែម្តង ដែលស្តាប់មើលទៅដូចជាសំឡេង Tangmo ដូច្នោះឯង ហើយសូម្បីតែពួកមិត្តភក្តិនាង និង ពិធីករក៏បានអះអាងដូចគ្នា។លើសពីនេះទៅទៀត គេក៏ឃើញមានស្រមោលខ្មៅៗអ្វីម្យ៉ាងនៅក្នុងកម្មវិធីនោះទៀត ដែលធ្វើឱ្យអ្នកចូលរួមគាំងពិបាកស្មាន ចំណែកខាងអ្នកកាន់កាមេរ៉ាក៏បានអះអាងថា ស្រមោលខ្មៅនេះមិនបានកើតចេញពីកាមេរ៉ា ឮ ស្រមោលដៃរបស់គេនោះទេ គឺជាវាជាស្រមោល
របស់អ្វីយ៉ាងនៅខាងក្រៅច្បាស់ណាស់។យ៉ាងណាមិញ ក្រៅពីនេះទៅទៀត មុននេះគេបានសង្កេតឃើញស្រមោលដូចជាមុខមាត់របស់ Tangmo ជាប់នៅក្នុងរូបថតរបស់តារាស្រី Mo Amena ថែមទៀតផង ដែលធ្វើឱ្យគេជឿវិញ្ញាណរបស់នាងនឹងមិនទាន់ទៅណានៅឡើយទេ៕
COMMENTS